طريقة نوتيلا صحيه وسهلة\ healthy nutella

السلام عليكم ورحمه الله وبركاته

كيفيكم ان شالله بخير .. الله يوفقك الجميع بفتره اختباراتهم ومبروك للي خلصو ..

تدوينه اليوم جدا خفيفه واتوقع كثير حاب يعرف عنه هالموضوع ..الي هو كيف اسوي نوتيلا صحيه وسهله ..

بالبدايه هي اساسها: مكسرات البندق/ حليب / شوكلاته / ومحليات (سكر /فانيليا /ملح ) وزيت لسهوله الفرد (لما نفرد الزبده بالخبز )

 الطريقه !!!

ببساطه طحن البندق بخلاط الطعام بعد ما تحمرينه شوي بالفرن .. لين يصير زبده ..واضافه باقي المكونات وخلطهم سوا.. فقط!!!!

 المقادير والوصفه!!

هنا نجي للموضوع حق هالتدوينه … في كثير انواع للمقادير والوصفات ..بمعنى في ناس تحب تستبدل الحليب البقري بحليب جوز الهند… الشوكلاته المحلاه بشكولاته داكنه اوصافيه بدون محليات …في ناس تحب تضيف سكر اكتيفيا او جوز الهند بدال السكر الابيض ..وهكذا…

فجبتلكم مواقع مختلفه (مدونات /يوتيوب ) لطرق مختلفه ولكن زي ماذكرت المبداء واحد ونوع المقادير واحد ولكن اختلاف الاصناف !!

١- قناة المطبخ العربي

٢-مجلة سيدتي

٣-مدونة أروى

٤-موقع ثقف نفسك

انا شخصيا جربت طريقه تطبيق جيم نادز(حساب جيم نادز) ..وحفظا لحقوق محتواها لانه باشتراك ..مااقدر اذكر وصفتها ولكن قد جربت وصفه سابقا من هالمواقع والنتيجه بالنهايه كلهم نفس الشي…

والشي الثاني انتبهو للملوحه والمراره .. يعني شيلو قشر البندق لانه مر وبرضو انتبهو لمقدار الملح لان بعض محاولاتي غلطت بهالامور وكان قررريب جدا الطعم من النوتيلا ولكن بعدين تحسي بمراره او ملوحه طاغيه شوي ! فانتبهو

بالنهايه

اتمنى عجبتكم هالتدوينه … واذا استفدتو افيدو غيركم وارسلو رابط التدوينه لهم … وشاركوني بعض تطبيقاتكم او اذا جربتو تسوون اطباق منزليه بدال التجاريه …

عيشو بحب وايجابيه 

img_3789

Leave a Reply