ليش وقفت الرياضة ؟ WHY I STOPPED WORKING OUT

السلام عليكم ورحمة الله وبركاته

كيفكم من زمان عن التدوين . الي يتابعني بالانستقرام يعرف كميه الانشغال الي انا فيها بس قلت اليوم لازم انزل تدوينة لو ادردش فيها واقولكم عن ليش قررت اوقف الرياضة لفتره

الفتره الي وقفتها كانت بسيطه بس لشخص جلس سنه ونص يتمرن بشكل منتظم كانت غريبه

قطعت التمرين لمدة اسبوعين تقريبا اتوقع الفتره بالنسبه لكم سخيفة او بسيطه بس الضغط العمل الي امر فيه كانه شهر

وقفت التمرين لان في مليون شغله لازم اسويها وابغا اسويها مخي بس يفكر وابغا انجز ومو قادره انجز كل شوي اسوي شغله بمجال معين وياخذ مني وقت وبالنهايه كل شي ناقص للامانه كانت فتره حسيت ان لا لازم تغيرين امور بمجرى حياتك ولازم تاخذين قرارات قد تكون صعبه بس عشان تقدري ترتبي امورك

طبعا هالضغط حلال الاسبوعين ماجا فجاه هو تراكمات حق اسابيع وشهور سابقه بس جا فجاه ضغط من كل مكان حسيت اني ابغا اوقف كل شي وبنفس الوقت مو قادرة

لان بس احتاج مساحه اريح فيها من كل شي عشان اقدر ارجع بطاقه اكبر

للامانه ماقدرت اوقف

فقررت اوقف شي مبدئي الي هو الرياضة مع العلم ان الرياضة شي مهم لصحتي النفسيه ولطاقتي بس حسيت مع لخبط اليوم كانت هم وقلت لا بوقف عشان ماافكر فيها وللاسف افكر فيها واقول اليوم ماتمرنت او اليوم كمان او كم لي يوم ماتمرنت ولكن قررت ان اقول اي عادي بكمل مابتمرن

بس كنت احاول اتحرك اكثر قدر المستطاع

وايضا قعدت اخذ قرارات ثانيه اوقفها بحياتي عشان اقدر انجز وارتب طاقتي ووين اوزعها والمشكله الكبيره ان اغلب الشغل لسى ماشاف النور ولسى ببداية الطريق ورج يجي يوم اتكلم في اكثر وادردش معاكم واتحلطم هههه ان شالله

هل توقف الرياضة ساعدني ؟؟ اكذب عليكم واقول مرررره ؟؟ فعليا لا ماحسيت تغير كبير غير ان في بس شغله وقفتها لان زي ماقلتلكم قاعد مخي يفكر فيها مااستفدت هههههههه بس كمهمه فاليوم قلت اي اكيد ماانكر هالشي واتاح وقت لشغله ثانيه

وحده من البنات بالانستقرام قالتلي هبه سوي براين دوم قالت هذا الي تحتاجيه حاليا ا

بالانجليزي اسمه BRAIN DUMP

لسى مابحثت عنه ولا قريت ايش هو ولكن من اسمه شكله ان اخلي مخي يريح من التفكير والتخطيط

واعرف ان اكبر مشكله عندي اني اتوتر في اخذ قرار ثابت لان كل شوي افكر لو اغير لو سويت كذا طيب لو غيرنا كذا فياخذ جهد كبير مني ووقت وايام لين اقرر وهذا طويل مسالة الانجاز في كل جوانب حياتك للاسف

المهم هذا هو السبب ليش وقفت الرياضة هالفتره واكيد اتمنى تفيديوني بحلول وافكار جربتوها او سمعتو عنها

اشوفكم على خير

لا تنسوا تتابعوني بحساباتي الخاصه

INSTA :@HEBA.TRAINER – SNAP: BOOSH.LIFE

Leave a Reply